Заврши реконструкцијата на улицата „Њуделхиска“, во населбата Тафталиџе 1. Целиот потег долж улицата, по повеќе децении, доби нов урбан лик. Улицата е проширена, со цел да се обезбеди поголема безбедност на сите учесници во сообраќајот, а поставено е и ново штедливо осветлување – лед светилки со моќност од 30 вати.

Општина Карпош е првата локална самоуправа која се придружи кон акцијата за собирање на електронски и електричен отпад. Секое домаќинство, со јавување на телефонскиот број 070 – 236 – 000 може да пријави ваков отпад, при што истиот директно и бесплатно ќе биде собран од нивните домови. Оваа акција во Општина Карпош во континуитет, продолжува и натаму, а за ефектите од неа Градоначалникот Стефан Богоев ги посочи придобивките кои ги има и локалната самоуправа и граѓаните во неа:

Во детската градинка „ Орце Николов“ се одржа обука за ран детски развој и учење на темите „ Како учат децата“? , „ Развој на говор од 0-6 години“, како и на „ Стимулативна средина за учење“. Оваа обука за професионален развој е наменета за воспитувачи, стручни соработници и стручни работници од оваа предучилишна установа.

Крајот на ноември, годинава помина во знакот на настојувањето на Европската Унија да го поттикне продорот на пазарот на обновливите извори на енергија за греење и ладење во земјите од Европа. За таа цел, Европската комисија ја објави својата стратешка долгорочна визија за просперитетна, модерна, конкурентна и климатски неутрална економија до 2050 година.

Општина Карпош денеска ја реализираше завршната фаза од големата еколошка акција во чии рамки беа засадени околу 200 нови дрвја. По тој повод, локалната самоуправа го збогати дрвниот фонд на своја територија со повеќегодишни квалитетни израснати дрвја од типот Јасен, Јавор, Багрем, Липа, како и зимзелена Туја и украсни повеќегодишни грмушкасти растенија од типот Лаванда.

Насилно се отстранети заштитните столпчиња, долж тротоарот, кај основното училиште „Војдан Чернодрински”, во урбаната заедница Владо Тасевски (Млечен). Овие столпчиња се поставија по барања на повеќе заедници на сопственици - граѓани, од различни згради од овој дел на Карпош, со цел тротоарите да бидат безбедни и слободни за движење за најмладите. Повикуваме уште еднаш, да престане свесното уништување на урбаната опрема, со што се прави директна штета за населбите, но и на Буџетот на Општина Карпош.

Во недела (09.12.2018), започнува да функционира новото сообраќајно решение за потегот околу Карпош 4. Станува збор за новопоставената хоризонтална и вертикална сигнализација која ќе овозможи поголема безбедност и намалување на сообраќајниот метеж. -Токму оттука, од Карпош 4 од овој викенд започнува нов режим на сообраќај, со цел побезбедно движење на граѓаните и превентивно да ги заштитиме граѓаните, првенствено младите, од сообраќајниот метеж околу Сити Мол и во овој дел на Карпош 4, изјави денес градоначалникот на Општина Карпош Стефан Богоев.

Пред платото на ТЦ Скопје Сити Мол, односно токму од Карпош, започна кампањата „Среќна и безбедна 2019 година - петардите не се играчки“, во организација на Општина Карпош, СВР Скопје, Црвен крст на Град Скопје и Мисијата на ОБСЕ во Скопје.

Општина Карпош ја затвора дивата депонија (сметлиште) долж Кејот на реката Вардар, кај мостот „Газела“. Станува збор за дива депонија која со години беше место на кое се собираше габаритен отпад и шут, но, често пати, се палеа и огнови на отворено кои придонесуваат за дополнително загадување на амбиенталниот воздух.

Денеска, како резултат на успешната соработка меѓу Општина Карпош и здружението на граѓани „Дајте ни крилја“ отворена е нова сензорна соба - ресурсна просторија за учениците со посебни потреби во просториите на ООУ „Димо Хаџи Димов“, во Влае. Оваа сензорна соба има за цел да го олесни воспитно – образовниот процес на учениците со попреченост, во моментите додека ја следат наставата.